गीत : केतकी निमगावच्या शंभू महादेवा - (लेखन संजय जगताप )

🛕 *अभिमान निमगाव केतकीचा* 🚩

गीत : *केतकी निमगावच्या शंभू महादेवा*

केतकी निमगावच्या शंभू महादेवा

आलो यात्रेला करण्या तुझी सेवा ||ध्रु||

शिव भक्तांची जमली इथ गर्दी 

भस्म लावूनी अंगा शंभूभक्त दर्दी 

*कावडी मिरवून वाटती गुळमेवा* 

आलो यात्रेला करण्या तुझी सेवा ||१||

नाद डमरूचा घुमतो आमच्या कानी 

भजन कीर्तन रंगे महादेवाची गाणी 

*केतकेश्वराचा आशीर्वाद मनी ठेवा*

आलो यात्रेला करण्या तुझी सेवा ||२||

भोळ्या शंकरा आवडे हे बेल पान 

वाहतो पिंडीवर अभिषेकाचा मान 

*रथ ओढूनि भक्तीचा आनंद घ्यावा* 

आलो यात्रेला करण्या तुझी सेवा ||३||

हर हर महादेव दुमदुमे आसमंत सारा

कुस्ती आखाड्यात जोशात घुमे नारा

*या मातीचा सुगंध उरात भरुनी न्यावा*

आलो यात्रेला करण्या तुझी सेवा ||४||

केतकी निमगावच्या शंभू महादेवा

आलो यात्रेला करण्या तुझी सेवा ||ध्रु||

 -: *संजय वसंत जगताप* 

साहित्यिक, निमगाव केतकी ८६६८६५४५४६

www.shikshansanjeevani.com